“Nohkom ninohtēkatān ōma.”
“Kīkwaya māka ē-nohtēmīciyan nōsisim?”
“Mahkwēnīsak cī ahpo nika kīsiwāwak?”
“Namoya mahkwēnīsak ninohtē mowāwak nohkom.”
“Ayā māka wihkīkasōs nōsisim?”
“Mmmm… namoya wihkīkasōs ni-nohtē mowāw nohkom.”
“Maskihkīsa māka?”
“Mmmm… namoya maskihkīsa ninohtē mīcin nohkom.”
“Napacākosak māka nōsisīm?”
“Nohkom, namoya napacākosak ninohtē mowāwak.”
“Postayawinisē ēkwa sipwēpayitān”
“Ēkwa, nihtakosiy nōsisim kēhtē-ayak mīcisowikamikohk nitawi-mīcisotān.”
“Kīkwāya ē-wī-nātisahaman?”
“MMM… sīwāpoy, sikopicikaniwiyās, napacākosa asici mīcimāpohkān.”
“Nohkom mitoni kit-itamihin.”
“Ki-kīspon cī nōsisim?”
“Ēha, mitoni ni-kīspon nohkom, ay-hay.”
“Ēkosi kakīwānaw nōsisim.”
“Sōniskwātahikēwikamikohk cī kākī-isi-payinaw?”
“Kititēyihtēn cī?”
Sōniskwātahikēwikamikohk ispayiwak.
Vocabulary list
| Kēhtē-ayak | Elders |
| mīcisowikamik | Cafe |
| ninohtēkatān | I am hungry |
| ē-nohtēmīciyan | You want to eat (inanimate) |
| Mahkwēnīsak | Macaroni |
| nikīsiswāwak | I cook them (animate) |
| ninohtē mōwāwak | I want to eat them (animate) |
| Maskihkīsa | Candy |
| ninohtē mīcin | I want to eat it (inanimate) |
| Napacākosak | Chips |
| Postayawinisē | Get dressed up |
| sipwēpayitān | Let’s go |
| ē-wī-nātisahaman | You will order it (inanimate) |
| sīwāpoy | Pop |
| sikopicikaniwiyās | Hamburger |
| napacākosa asici mīcimāpohkān. | Fries and Gravy |
| Ki-kīspon | You are full |
| kakīwānaw | Lets go home |
| Sōniskwātahikēwikamikohk | Hockey Arena |
| Kititēyihtēn | You think about it (inanimate) |
